Wiki ya tano ya reality show ya Big Brother Africa ambayo kwa mwaka huu inatambulika kama‘The Chase’ imekamilika jana baada ya eviction show kufanyika na kuyaweka hadharani majina ya washiriki wawili waliofungasha mizigo yao kurejea makwao kama ulivyo utaratibu wa mchezo.
Bolt wa Sierra Leone na Maria wa Namibia ndio washiriki waliouga mchezo siku ya jana (June 30) kutokana na kura ndogo zaidi walizopata kati ya wshiriki saba walioingia katika possible eviction ya wiki iliyokwisha.
Kwa Bolt inaweza kuwa haikumshtua sana sababu kwanza ameingia katika possible eviction mara nyingi lakini safari hii ‘bullet’ ya biggie imempata na hatimaye kumfuata kipenzi chake Betty aliyetoka wiki ya 4. Upande wa Maria hii ndio ilikuwa mara yake ya kwanza kuingia katika possible eviction na kwa bahati mbaya ndio ikawa safari yake ya moja kwa moja mlango wa ‘exit’ sababu kura za Africa hazikutosha kumpa tiketi ya kubaki mchezoni.
Kingine cha kusikitisha upande wa Maria ni kuwa hakuwa hata na taarifa kama alikuwa dangerzone baada ya Nando (HOH) wa Diamond kujiokoa mwenyewe na nafasi yake kumweka yeye.
Msimu wa 8 wa Big Brother ‘The Chase’ unaendelea ikiwa ni wiki yake ya 6 huku washiriki wa Tanzania Nando na Feza wakiwa bado wanaendelea kuwafurahisha sio tu waTanzania bali hata nchi za jirani.
No comments: